ReklamëHapësirë reklame
ReklamëHapësirë reklame
Reklamë
Një udhëtar i mbërritur me fluturimin nga Cyrihu dyshohet se ka bërë problem në aeroplan dhe, pasi zbriti në platformën 201 B të Aeroportit të Prishtinës, tentoi të godasë mbikëqyrësin e platformës. Alkooli i matur në organizmin e tij ka dalë 1.23 promil.
Në platformën 201 B të Aeroportit Ndërkombëtar "Adem Jashari", ku ishte parkuar aeroplani i ardhur nga Cyrihu, mbrëmja e 21 shtatorit përfundoi me ndërhyrje policore. Rreth orës 19:45, një udhëtar i atij fluturimi dyshohet se tentoi të godasë mbikëqyrësin e platformës, punëtor i Aeroportit të Prishtinës.
Sipas policisë, problemet nga i dyshuari kishin nisur më herët, brenda aeroplanit, dhe kishin vazhduar pas zbritjes. Ai është shoqëruar në zyrën e Policisë në aeroport, ku, gjatë procedurave, i është matur edhe niveli i alkoolit në organizëm: 1.23 promil.
Për rastin është njoftuar Prokurori kujdestar i shtetit, i cili ka urdhëruar inicimin e procedurës për veprën penale "Sulmi". Pas përfundimit të veprimeve policore, i dyshuari, një 25-vjeçar me shtetësi zvicerane, është liruar në procedurë të rregullt.
Punëtori i synuar nga tentimi nuk është identifikuar publikisht. I dyshuari mbetet i prezumuar i pafajshëm derisa fajësia të provohet me vendim të formës së prerë nga gjykata.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
