ReklamëHapësirë reklame
ReklamëHapësirë reklame
Reklamë
Profile të rreme në rrjete sociale, premtime për ndihma sociale dhe për ndihmë në çështje ligjore: kjo është skema për të cilën policia arrestoi një burrë në Prizren. Prokurori ka urdhëruar mbajtjen e tij.
Një burrë është arrestuar në Prizren, i dyshuar se ka mashtruar qytetarë përmes profileve të rreme në rrjete sociale, duke u marrë atyre para me premtimin e ndihmave sociale.
Sipas Policisë së Kosovës, i dyshuari në disa raste ishte paraqitur edhe si person zyrtar, duke u ofruar viktimave ndihmë për çështje të ndryshme ligjore. "Është arrestuar i dyshuari mashkull kosovar, pasi që përmes profileve të rreme në rrjete sociale, kishte arritur që të mashtrojë persona të ndryshëm duke u marrë para në formë të ndihmave sociale, në disa raste është paraqitur si person zyrtar dhe ka mashtruar persona duke u premtuar që mund t’u ndihmojë në çështje të ndryshme ligjore", thuhet në njoftimin e policisë.
Me vendim të prokurorit, i dyshuari është dërguar në mbajtje. Policia nuk ka bërë publike identitetin e tij, sa persona janë dëmtuar apo sa para dyshohet se janë marrë.
Një banesë pranë një dyqani telefonash dyshohet se shërbente si depo e fshehtë. Dogana e Kosovës sekuestroi aty dhe në lokal 113 telefona mobilë që dyshohet se kanë hyrë në vend si kontrabandë.
