Prishtinë: Burri gjendet pa shenja jete në shtëpinë e vet, dy dëshmitarë në pyetje

Një burrë është gjetur pa shenja jete brenda shtëpisë së tij në Prishtinë. Rastin e ka bërë të ditur Policia e Kosovës, e cila e ka klasifikuar atë si "HETIM MBI VDEKJEN" dhe e ka raportuar si NN, pa identitet të publikuar.

Sipas njoftimit policor, organet e rendit kanë marrë informacionin se një person mashkull kosovar ishte gjetur i vdekur në banesën e vet. Vdekjen e ka konstatuar ekipi mjekësor në vendin e ngjarjes. Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, procedura që duhet të përcaktojë shkakun e vdekjes.

Në lidhje me këtë rast, dy persona janë intervistuar në cilësinë e dëshmitarit. Policia nuk ka bërë të ditur se çfarë marrëdhënie kanë ata me viktimën.

"HETIM MBI VDEKJEN: Prishtinë / 18.09.2026, NN. Policia ka marrë informacion se një person mashkull kosovar është gjetur pa shenja jete në shtëpinë e tij. Vdekjen e ka konstatuar ekipi mjekësor, ndërsa ne cilësinë e dëshmitarit janë intervistuar dy persona. Me urdhër të prokurorit trupi i pa jetë i viktimës është dërguar në IML për obduksion", thuhet në raportin 24-orësh të Policisë së Kosovës.

Deri tani nuk është shpallur asnjë arrestim dhe shkaku i vdekjes mbetet i papërcaktuar derisa të kryhet obduksioni. Emri dhe mosha e viktimës nuk janë publikuar.