ReklamëHapësirë reklame
ReklamëHapësirë reklame
Reklamë
Një vajzë 11-vjeçare u godit nga një veturë në mes të ditës në Prishtinë dhe përfundoi pa vetëdije në QKUK. Shoferi i dyshuar, 31-vjeçar, u ndalua për 48 orë, ndërsa rasti po hetohet për "Rrezikimin e trafikut publik".
Ora ishte rreth 12:50 e 22 shtatorit kur një veturë Mercedes me ngjyrë hiri lëvizte në rrugën "Bedrush Qollaku" në Prishtinë. Pak çaste më vonë, një vajzë 11-vjeçare ndodhej e shtrirë në asfalt, me lëndime të rënda trupore.
Ajo u dërgua me urgjencë në Qendrën Klinike Universitare të Kosovës, ku po trajtohet. Sipas të dhënave fillestare, e mitura ndodhet pa vetëdije.
Dyshohet se drejtuesi i veturës, një 31-vjeçar, e ka goditur këmbësoren e mitur nga pakujdesia. Pas konsultimit me prokurorin kujdestar, ai është ndaluar për 48 orë.
Me rastin po merret Njësia e Hetimeve të Trafikut Rajonal. Çështja është iniciuar për veprën penale "Rrezikimi i trafikut publik", ndërsa hetimet për zbardhjen e plotë të rrethanave të aksidentit vazhdojnë.
I dyshuari, si çdo person i akuzuar, prezumohet i pafajshëm derisa fajësia të mos vërtetohet me vendim të formës së prerë të gjykatës.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
