ReklamëHapësirë reklame
ReklamëHapësirë reklame
Reklamë
Pas gazit lotsjellës dhe ujit me presion, efektivët e ndërhyrjes së shpejtë hynë drejt e në mes të protestuesve dhe nisën të tërheqin qytetarë e të rinj. Përpjekjet e turmës për të penguar arrestimet sollën përplasje fizike në bulevard.
Kordonët e policisë u hapën brenda pak sekondash dhe efektivët u sulën mes protestuesve përpara godinës së Kryeministrisë. Aty nisën shoqërimet e para: qytetarë dhe të rinj u kapën dhe u tërhoqën zvarrë nga forcat e rendit, në një nga momentet më të tensionuara të protestës në Bulevardin "Dëshmorët e Kombit".
Operacioni i ri u ndërmor nga forcat e policisë së bashku me efektivët e ndërhyrjes së shpejtë, menjëherë pas fazës së parë të ndërhyrjes, kur turma ishte goditur me sasi të mëdha gazi lotsjellës dhe me ujë me presion në përpjekje për ta shpërndarë nga hapësira para Kryeministrisë.
Protestuesit nuk u tërhoqën pa rezistencë. Disa prej tyre u përpoqën të ndalonin arrestimin e bashkëqytetarëve të tyre, duke u përplasur fizikisht me efektivët. Ndërkohë, tymi i gazit vazhdon të mbulojë gjithë aksin e bulevardit, ku kaosi nuk është shuar.
Numri i të shoqëruarve dhe i të lënduarve nuk është bërë ende i ditur, ashtu si edhe shkaku i protestës dhe organizatorët e saj. Situata në terren mbetet mjaft kritike.
Dy burra nga fshati Sinë dyshohet se u përplasën me dhunë me dy policë ndërsa po shoqëroheshin në komisariat. Në të njëjtin bulevard të Peshkopisë, një 36-vjeçar u kap me thikë dhe shufër metalike.
