ReklamëHapësirë reklame
ReklamëHapësirë reklame
Reklamë
Një festë familjare në fshatin Surqinë të Ferizajt u ndërpre nga të shtëna me pistoletë. Policia identifikoi një 22-vjeçar si të dyshuar, por pas intervistimit ai u la i lirë, ndërsa rasti vazhdon në procedurë të rregullt.
Dy gëzhoja të kalibrit 9 mm dhe një pistoletë me karikator: kjo është ajo që policia gjeti pas të shtënave me armë zjarri gjatë një ahengu familjar në fshatin Surqinë të Ferizajt.
Sipas Drejtorisë Rajonale të Policisë në Ferizaj, rasti u raportua më 12 tetor, rreth orës 18:30. Njësiti i Hetimeve doli në vendin e ngjarjes, siguroi prova dhe identifikoi si të dyshuar një të ri 22-vjeçar me inicialet E. B. Arma dhe gëzhojat u sekuestruan gjatë veprimeve policore. Në njoftimin e policisë nuk përmenden të lënduar.
Me autorizim të prokurorit të shtetit, ndaj të dyshuarit u iniciua rast për dy vepra penale: "Mbajtja në pronësi, kontroll ose posedim të paautorizuar të armëve" dhe "Përdorimi i armës apo mjetit të rrezikshëm".
Pas intervistimit nga policia, 22-vjeçari u lirua. Rasti do të vazhdojë të trajtohet në procedurë të rregullt.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
