ReklamëHapësirë reklame
ReklamëHapësirë reklame
Reklamë
Nën sediljen e një veture, të mbështjellë me pëlhura dhe të futur në kuti, doganierët maqedonas gjetën pitonë dhe gjarpërinj që besohet se janë specie të mbrojtura, mes tyre edhe një gjarpër helmues. Në timon ishte një shtetas i Kosovës.
Një kontroll rutinë në pikën kufitare të Bogorodicës, në kufirin e Maqedonisë së Veriut me Greqinë, ka nxjerrë në dritë një ngarkesë të pazakontë: gjarpërinj dhe zvarranikë të tjerë që dikush po përpiqej t'i fuste ilegalisht në Maqedoni.
Kafshët u zbuluan nga doganierët e Maqedonisë së Veriut gjatë kontrollit të një automjeti që drejtohej nga një shtetas i Kosovës. Zvarranikët ishin vendosur në kuti, ishin mbështjellë me pëlhura dhe ishin fshehur nën sediljen e veturës.
Mes kafshëve të sekuestruara ka pitonë dhe gjarpërinj të tjerë, për të cilët besohet se u përkasin specieve të mbrojtura. Njëri prej tyre është një gjarpër helmues i llojit të njohur me emrin Baron Snake.
Kundër shoferit është nisur procedura përkatëse ligjore, ndërsa nuk është bërë e ditur sa kafshë u gjetën gjithsej.
Dy burra nga fshati Sinë dyshohet se u përplasën me dhunë me dy policë ndërsa po shoqëroheshin në komisariat. Në të njëjtin bulevard të Peshkopisë, një 36-vjeçar u kap me thikë dhe shufër metalike.
