Pesë turistë të plagosur në Koman, katër barten me helikopter drejt Shkodrës

Pesë turistë kanë mbetur të lënduar pas përplasjes së dy mjeteve lundruese në liqenin e Komanit, në veri të Shqipërisë.

Katër prej të lënduarve u transportuan me helikopter drejt spitalit të Shkodrës, ndërsa një tjetër u dërgua drejt Tiranës. Paraprakisht, gjendja shëndetësore e turistëve paraqitet jashtë rrezikut për jetën.

Si shkak për aksidentin dyshohet shpejtësia e lartë e mjeteve lundruese në një kthesë me fushëpamje të kufizuar. Kjo mbetet një pistë e dyshimeve dhe nuk është ende e verifikuar zyrtarisht.

Liqeni i Komanit, i njohur për peizazhet e tij, është një destinacion i frekuentuar nga turistët që udhëtojnë me skafe dhe tragete përgjatë ujërave të tij.