Përplasje politike në Serbi: Selakoviq i kërkon Tadiçit të tërhiqet "me dinjitet"

Një postim satirik me milingona, buburreca, gjinkalla dhe miza është kthyer në një sherr të hapur politik në Serbi. Ish-presidenti serb Boris Tadiç e përshkroi skenën politike përmes figurave të insekteve, me mesazhin se "buburreci" votoi për insekticidin, pas së cilës, siç shkroi ai, "të gjithë vdiqën".

Përgjigjja erdhi nga Bojana Selakoviq, koordinatore e Konventit Kombëtar për Bashkimin Evropian, e cila e kritikoi ashpër Tadiçin në rrjetin social Iks.

"Ish-presidenti i shtetit, në një përpjekje të mjerë humori bumer, pas 14 vitesh flet për veten në vetën e tretë si për një milingonë të gjorë dhe punëtore, ndërsa qytetarët e Serbisë i quan buburreca, dhe e gjitha kjo me konsumim të rregullt të paketimit kinez të insekticidit, me të cilin përpiqet të mbetet relevant. Vërtet tragjikomedi. Mblidhuni dhe tërhiquni me dinjitet, Boris", shkroi Selakoviq.

Me alegorinë e tij, Tadiç aludonte me sa duket në zgjedhjet e vitit 2012, kur humbi përballë Tomislav Nikoliçit.