Përplasje me tri automjete në Mramor, tre të lënduar në rrugën Prishtinë-Gjilan

Tre persona kanë mbetur të lënduar sot pasdite pas një aksidenti trafiku me tri automjete në fshatin Mramor, në rrugën Prishtinë-Gjilan.

Përplasja ndodhi rreth orës 16:00, sipas zëdhënëses së Policisë për Rajonin e Prishtinës. "Si pasojë e aksidentit, lëndime trupore kanë pësuar tre persona", deklaroi ajo.

Nuk dihet ende se çfarë e shkaktoi aksidentin dhe në çfarë gjendje janë të lënduarit. Rastin po e heton njësiti rajonal i trafikut.