Përleshje te Rrethi i Flamurit në Prishtinë, dy të lënduar me mjete të mprehta

Një përleshje fizike mes dy personave te Rrethi i Flamurit në Prishtinë ka përfunduar me dy të lënduar, të cilët janë dërguar për trajtim mjekësor. Ngjarja ndodhi sonte rreth orës 20:00, në një nga pikat më të frekuentuara të kryeqytetit.

Rastin e ka konfirmuar zëdhënësi i Policisë së Kosovës për rajonin e Prishtinës, Enis Pllana. Sipas informatave fillestare të policisë, të dy personat kanë pësuar lëndime që dyshohet se janë shkaktuar nga mjete të mprehta.

Njësitet relevante policore po ndërmarrin veprimet e nevojshme lidhur me rastin. Identiteti i të lënduarve dhe shkaku i konfliktit nuk janë bërë të ditura, sikurse nuk ka të dhëna nëse dikush është ndaluar.