ReklamëHapësirë reklame
ReklamëHapësirë reklame
Reklamë
Një burrë i moshuar shihet në video duke goditur me grushte një grua, ndërsa të dy rrinë ulur në një ulëse buzë lumit në Pejë. Prokuroria thotë se e ka pasur videon më herët dhe e ka autorizuar menjëherë policinë të veprojë.
Një ulëse në shëtitoren pranë lumit në Pejë është bërë skena e një rasti të dyshuar dhune fizike ndaj një gruaje. Në pamjet e publikuara nga portali lokal “Peja në Fokus”, një burrë i moshuar dhe një grua shihen ulur pranë njëri-tjetrit, derisa burri nis ta godasë atë me grushte.
Zëdhënësi i Prokurorisë Themelore në Pejë konfirmoi se institucioni ishte vënë në dijeni për videon dhe se kishte reaguar pa vonesë. “E kemi pranuar më herët këtë video. Pasi e kemi pranuar, menjëherë prokurorja kujdestare ka autorizuar Policinë për ndërmarrjen e veprimeve”, deklaroi ai.
Nuk dihet ende kur ka ndodhur ngjarja, as nëse i dyshuari është identifikuar apo ndaluar. Policia nuk ka dhënë ende sqarime për rastin, ndërsa veprimet e mëtejshme pritet të ndërmerren nga organet kompetente.
Kryeprokurori i Shtetit dhe kryetarët e dy këshillave të drejtësisë janë parë sot duke u larguar nga Presidenca. Çfarë u bisedua me presidenten Justina Shiroka-Pula mbetet e panjohur.
