Pas Prishtinës, revolta zbret edhe në Shtime: protestë në orën 19:00 kundër Hagës

Shtimja del sonte në shesh. Në orën 19:00, qytetarët janë thirrur të mblidhen në sheshin "Ahmet Shtimja" për të protestuar kundër vendimit të Dhomave të Specializuara në Hagë ndaj katër ish-krerëve të UÇK-së.

Organizimin e ka njoftuar platforma "Liria Ka Emër", e cila ka bërë të ditur vendin dhe orën e grumbullimit.

Me këtë, Shtimja i bashkohet Prishtinës, ku po ashtu është paralajmëruar protestë kundër të njëjtit vendim të gjykatës në Hagë. Kështu, kundërshtimi ndaj vendimit shtrihet përtej kryeqytetit dhe merr karakter më të gjerë në vend.