Osmani takohet me Donald Trump Jr në New York: Kosova duhet të jetë aty ku ndërtohet e ardhmja

Në New York, aty ku u hap "Qatar Economic Forum, Powered by Bloomberg", ish-presidentja e Kosovës, Vjosa Osmani, u takua me Donald Trump Jr, djalin e madh të presidentit amerikan Donald Trump.

Sipas Osmanit, forumi u mblodh me ftesë të kryeministrit të Shtetit të Katarit dhe Bloomberg, duke bashkuar liderë politikë, drejtues të institucioneve ndërkombëtare dhe përfaqësues të kompanive të mëdha amerikane e ndërkombëtare. Ajo e përshkroi ngjarjen si një hapësirë diskutimi për sfidat dhe mundësitë që po formësojnë ekonominë dhe sigurinë globale, në një kohë transformimesh të mëdha gjeopolitike dhe ekonomike.

"Sot, në New York, pata nderin të jem pjesë e hapjes së "Qatar Economic Forum, Powered by Bloomberg", me ftesë të kryeministrit të Shtetit të Katarit dhe Bloomberg. Në një kohë të transformimeve të mëdha gjeopolitike dhe ekonomike, ky forum sjell së bashku liderë politikë, drejtues të institucioneve ndërkombëtare dhe kompanitë më të mëdha amerikane e ndërkombëtare, për të diskutuar mbi sfidat dhe mundësitë që po formësojnë ekonominë dhe sigurinë globale. Prania në këto organizime është mundësi për të forcuar partneritetet ndërkombëtare, për të kërkuar përkrahje për Kosovën dhe për të hapur horizonte të reja për investime dhe zhvillim. Kosova duhet gjithnjë të jetë aty ku diskutohen dhe ndërtohen mundësitë e së ardhmes", deklaroi Osmani.

Mesazhi i saj u publikua edhe në një postim në Facebook, ku theksoi se pjesëmarrja e Kosovës në organizime të tilla krijon mundësi për forcimin e partneriteteve ndërkombëtare, mbështetjen për vendin dhe tërheqjen e investimeve.

Përmbajtja e bisedës me Donald Trump Jr nuk është bërë publike dhe nga pala amerikane nuk ka pasur ndonjë reagim.