"Ora e Pritjes" nis edhe në Oslo: mërgata numëron ditët deri më 16 shtator

Numërimi së prapthi ka nisur edhe në kryeqytetin norvegjez. Në Oslo është ndezur "Ora e Pritjes", një aksion simbolik që mat ditët deri më 16 shtator, datën kur pritet verdikti final për Hashim Thaçin, Kadri Veselin, Jakup Krasniqin dhe Rexhep Selimin, të cilët po mbahen në Hagë.

Ngjarja është organizuar nga përfaqësues politikë, veprimtarë, aktivistë dhe pjesëtarë të komunitetit shqiptar në Norvegji, të cilët i bashkuan zërin nismave të njëjta që po zhvillohen edhe gjetkë.

I ftuar në Oslo ishte edhe Ismail Tasholli, përfaqësues i platformës "Liria ka emër". Ai u shpreh mirënjohës për mbështetjen që po ofrohet për çlirimtarët dhe theksoi se kudo po jehon zëri i shqiptarëve që Kosova po pret drejtësi dhe kthimin e çlirimtarëve në atdhe.

Vëmendja tani është e përqendruar në 16 shtatorin, kur do të shpallet verdikti për katër të akuzuarit e mbajtur në Hagë.