ReklamëHapësirë reklame
ReklamëHapësirë reklame
Reklamë
Me bankat e PDK-së, LDK-së dhe AAK-së bosh, Kuvendi i Kosovës votoi të shtyjë formimin e komisionit që duhet të përzgjedhë kandidatët për katër vende në Bordin e RTK-së. Çështja kalon për seancën e radhës.
Përzgjedhja e katër anëtarëve të rinj të Bordit të Radio Televizionit të Kosovës (RTK) mbetet edhe një herë në pritje. Kuvendi i Kosovës vendosi të shtyjë për seancën e radhës pikën e rendit të ditës për formimin e Komisionit Ad-hoc që do të shqyrtojë kandidatët.
Vendimi u mor pa praninë e deputetëve të tre grupeve parlamentare të opozitës: Partisë Demokratike të Kosovës (PDK), Lidhjes Demokratike të Kosovës (LDK) dhe Aleancës për Ardhmërinë e Kosovës (AAK). Për zhvendosjen e pikës votuan 63 deputetë, një votoi kundër, ndërsa abstenime nuk pati.
Komisioni, sapo të formohet, do të ketë për detyrë të përzgjedhë kandidatët për katër pozita në Bordin e transmetuesit publik: dy anëtarë shqiptarë, një anëtar nga komuniteti serb dhe një anëtar nga komunitetet joshumicë.
Me këtë votim, formimi i komisionit i kalon seancës së ardhshme të Kuvendit, data e së cilës ende nuk është bërë e ditur.
Invalidët e UÇK-së, familjarët e dëshmorëve dhe të të zhdukurve, si dhe viktimat e dhunës seksuale gjatë luftës që jetojnë jashtë vendit lirohen nga tarifat për dokumente. Vendimi i MPJD-së është në fuqi që nga 14 tetori 2026.
