Nju Jorku hap 51 shkolla si strehë nate: alarm për përmbytje

Nga ora 22:00 e së shtunës, dyert e 51 shkollave të mesme publike në të pesë komunat e Nju Jorkut janë hapur për ata që flenë në bodrume ose në banesa që përmbyten lehtë. Qyteti i quajti ato "vendstrehime nate", një masë paraprake përballë rrezikut të përmbytjeve të befasishme të dielën.

Sipas ekipit të motit Storm Team 4, shiu pritej të niste rreth mesnatës dhe të vijonte gjatë gjithë mëngjesit, me periudha reshjesh të dendura në orët e para të së dielës deri në mesditë. Parashikimi flet për 1 deri në 3 inç shi në të gjithë zonën, me intensitet që mund të arrijë deri në 2 inç në orë. Për një pjesë të madhe të zonës Tri-State ishte në fuqi paralajmërimi për përmbytje të dielën në mëngjes.

Lista e plotë e vendstrehimeve është e disponueshme në internet ose përmes numrit 311.

Në Bushwick të Bruklinit, banorët thanë se po përgatiten për stuhinë e mundshme dhe për ujin që vjen pas saj. "There's pockets where it floods crazy... cars going through" ("Ka vende ku përmbytet çmendurisht... makinat kalojnë nëpër ujë"), tha banorja Sadie Withers.

Për banorin John Alscher, masa vjen vonë, por vjen: "Bushwick needs it. There's flooding. Now there's global warming. It's flooding like crazy" ("Bushwick ka nevojë për të. Ka përmbytje. Tani ka ngrohje globale. Përmbytet çmendurisht"). Ai shtoi: "And it rains all the time now, way more than it used to" ("Dhe tani bie shi gjithë kohës, shumë më tepër se më parë").

Prince Kobe nga Bushwick e pa strehimin si zgjidhje për më të cenuarit: "I think that's good that there's somewhere that people can come that may not have a stable home when it really floods to go to" ("Mendoj se është mirë që ka një vend ku mund të vijnë njerëzit që mund të mos kenë një shtëpi të qëndrueshme, kur përmbytet vërtet").

Agjencia e Menaxhimit të Emergjencave e Nju Jorkut u bëri thirrje banorëve të përgatiten paraprakisht. Kush jeton në bodrum duhet të sigurohet që daljet të jenë të lira dhe të jetë gati të ngjitet në një nivel më të lartë nëse kushtet përkeqësohen gjatë mëngjesit, ndërsa autoritetet kërkuan që secili të identifikojë vendstrehimin më të afërt.

Kërcënimi i motit të ashpër vjen pasi qyteti kaloi gushtin më me shi të pesë viteve të fundit.