Një javë në rajonin e Ferizajt: 15 arrestime me urdhëresa gjykatash

Pesëmbëdhjetë persona të kërkuar nga gjykatat kompetente janë arrestuar brenda një jave në rajonin e Ferizajt. Arrestimet, sipas Policisë Rajonale të Ferizajt, janë bërë në kuadër të realizimit të urdhëresave të gjykatave, për vepra të ndryshme penale dhe kundërvajtëse.

Bilanci i bëhet periudhës 7-13 shtator 2026. Në raportin javor, policia bën të ditur se gjatë kësaj periudhe ka raportuar disa raste penale dhe ka ndërmarrë masa për parandalimin dhe trajtimin e incidenteve në rajon.

Ndër rastet e regjistruara janë pesë vjedhje: tri në Ferizaj dhe dy në Shtime. Po ashtu, është raportuar një rast i dhunës në familje, i cili ka ndodhur në Ferizaj.

Policia Rajonale e Ferizajt ka bërë thirrje për bashkëpunim me qytetarët në parandalimin dhe luftimin e kriminalitetit. Rastet kriminale mund të raportohen drejtpërdrejt në stacionin më të afërt policor, përmes aplikacionit digjital "Lajmëro Policinë" ose në numrat kujdestarë 192, 0290/326-250 dhe 0290/322-406. Sipas policisë, konfidencialiteti i të dhënave të qytetarëve do të ruhet.