ReklamëHapësirë reklame
ReklamëHapësirë reklame
Reklamë
Rebelët hutitë në Jemen pranuan t'u japin anijeve amerikane kalim të papenguar në Detin e Kuq, me një kusht: Uashingtoni të mos përfshihet ushtarakisht drejtpërdrejt në luftën e udhëhequr nga Arabia Saudite. Marrëveshja përshkruhet si e fshehtë dhe nuk është konfirmuar zyrtarisht nga asnjëra palë..
Një korridor i qetë detar në këmbim të mosndërhyrjes ushtarake: ky është thelbi i një marrëveshjeje të fshehtë mes Shteteve të Bashkuara dhe rebelëve hutitë në Jemen, për të cilën flasin raportime amerikane.
Sipas këtyre raportimeve, hutitë kanë rënë dakord të lejojnë qasje të papenguar të lundrimit amerikan në Detin e Kuq, me kushtin që Uashingtoni të përmbahet nga veprimi ushtarak dhe të mos përfshihet drejtpërdrejt në luftën që udhëhiqet nga koalicioni nën drejtimin e Arabisë Saudite.
Po sipas tyre, dy palët e arritën marrëveshjen ndërsa hutitë zhvillonin një ofensivë përgjatë bregdetit jemenas të Detit të Kuq.
As hutitë dhe as Uashingtoni nuk kanë dhënë konfirmim zyrtar për ekzistencën e një marrëveshjeje të tillë.
Ministria e Mbrojtjes e Serbisë promovoi një dokumentar që lartëson korpusin e Prishtinës, njësinë dy komandantët e së cilës u dënuan në Hagë për krime lufte. Në premierën në Nish ishte i pranishëm edhe njëri prej tyre, Vlladimir Llazareviqi.
