Market i djegur në Kijevë të Malishevës, policia heton rastin si zjarrvënie

Një market në Kijevë të Malishevës është dëmtuar tërësisht nga flakët, dhe tani policia e trajton rastin si zjarrvënie. Lënda u iniciua më 29 shtator, në konsultim me prokurorin, gjashtë ditë pasi objekti u përfshi nga zjarri.

Sipas raportit të Policisë, ngjarja është shënuar më 23 shtator, në orën 11:55. Zjarri kapi një objekt që shfrytëzuesi i tij e përdorte për biznes me produkte ushqimore. "Si pasojë e zjarrit objekti është dëmtuar tërësisht dhe janë shkaktuar dëme të mëdha materiale", thuhet në raport.

Policia nuk ka bërë të ditur se çfarë e shkaktoi zjarrin dhe nëse ka ndonjë të dyshuar. Sipas saj, rasti është duke u hetuar.