Lista e viktimave në rastin e ish-krerëve të UÇK-së: 53 serbë, 23 shqiptarë e një rom

Njëqind e dy emra. Aq janë personat që konsiderohen viktima në rastin e Gjykatës Speciale ndaj ish-krerëve të Ushtrisë Çlirimtare të Kosovës (UÇK), sipas një dokumenti që gjykata e bëri publik në shkurt të vitit 2023, pasi fillimisht ishte trajtuar si konfidencial.

Ndarja e listës është e qartë: 53 serbë, 23 shqiptarë dhe një rom. Për 25 persona të tjerë, Gjykata Speciale ka vendosur që emrat të mbeten konfidencialë.

Dokumenti merr peshë të re pas vendimit të 16 shtatorit, kur Gjykata Speciale i dënoi në shkallë të parë Hashim Thaçin, Kadri Veselin, Rexhep Selimin dhe Jakup Krasniqin, katër ish-krerë të UÇK-së, për krime lufte. Dënimet e shqiptuara shkojnë nga 13 deri në 25 vjet burgim.

Vendimi është i shkallës së parë, ndërsa lista e viktimave mbetet pjesë e dosjes mbi të cilën u ndërtua ky proces.