ReklamëHapësirë reklame
ReklamëHapësirë reklame
Reklamë
Ndryshimet në ligjin për Dhomat e Specializuara pritet të zbresin nesër në sallën e Kuvendit, ndërsa PDK-ja e ka kushtëzuar votën për presidentin pikërisht me miratimin e tyre. Afati i fundit për zgjedhjen e kreut të shtetit është 6 tetori.
Kuvendi i Kosovës mblidhet nesër në seancë të jashtëzakonshme, me fillim nga ora 09:00. Në qendër të saj pritet të jetë projektligji për ndryshim-plotësimin e Ligjit për Dhomat e Specializuara të Kosovës, gjykata që njihet në opinion si Speciale.
Seanca nuk ka vetëm peshë ligjore. Ndryshimet në këtë ligj janë kthyer në kusht politik për zgjedhjen e presidentit. Kryetari i PDK-së, Bedri Hamza, deklaroi se partia e tij do të jetë e gatshme për presidentin, por vetëm pasi Kuvendi të ketë miratuar ndryshimet e Ligjit për Gjykatën Speciale.
Qëndrimi i Hamzës erdhi pas takimit që pati të shtunën me kryeministrin e Kosovës, Albin Kurtin, njëherësh kreun e Lëvizjes Vetëvendosje. Kurti zhvilloi atë ditë takime të ndara me Hamzën dhe me kryetarin e LDK-së, Lumir Abdixhikun.
Prapa këtyre lëvizjeve qëndron një afat i ngushtë. Sipas vendimit të fundit të Gjykatës Kushtetuese, 6 tetori është data e fundit për zgjedhjen e presidentit. Kështu, ritmi me të cilin projektligji për Specialen kalon në Kuvend mund të përcaktojë edhe nëse institucionet arrijnë ta zgjedhin kreun e shtetit brenda afatit.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
