Leposaviq: Petkoviq akuzon Policinë e Kosovës se ndërpreu shfaqjen për fëmijë

Një shfaqje magjie e organizuar për fëmijët në Shtëpinë e Kulturës në Leshak u ndërpre, sipas pretendimeve të drejtorit të Zyrës për Kosovë e Metohi, Petar Petkoviq, nga pjesëtarë të policisë. Akuzën ai e publikoi në rrjetin X, duke e cilësuar vendimin si shembull të standardeve të dyfishta të Prishtinës.

"Pjesëtarët e të ashtuquajturës polici të Kosovës ndërprenë sonte dhe ndaluan mbajtjen e shfaqjes së magjisë që ishte përgatitur për fëmijët më të vegjël në Shtëpinë e Kulturës në Leshak. Është e qartë politika e standardeve të dyfishta e Prishtinës: grumbullimi i dhjetëra mijëra shqiptarëve në shenjë mbështetjeje për kriminelët e të ashtuquajturës UÇK lejohet, por ndalohet grumbullimi i njëqind fëmijëve serbë që dëshironin të kënaqeshin me një program zbavitës", shkroi Petkoviq, në formulimin e tij origjinal.

Petkoviq nuk ka dhënë detaje të tjera për rrethanat në të cilat, sipas tij, ndodhi ndërprerja. Nga ana e policisë nuk është bërë publik ndonjë shpjegim apo reagim për pretendimet e tij.