Kurti pret Prattipatin: urime nga SHBA-ja për Qeverinë e re dhe mandatin e ri

Kryeministri i Kosovës, Albin Kurti, priti sot në takim të Ngarkuarën me Punë të Ambasadës së Shteteve të Bashkuara të Amerikës në Kosovë, Anu Prattipati, e cila i përcolli urime për formimin e Qeverisë dhe për mandatin e ri.

Sipas Zyrës së Kryeministrit, Kurti e falënderoi diplomaten amerikane për bashkëpunimin dhe shprehu mirënjohje për "mbështetjen e madhe, të vazhdueshme dhe të palëkundur të Shteteve të Bashkuara ndaj Republikës së Kosovës".

Bashkëbisedimi nuk mbeti vetëm te urimet. "Krahas marrëdhënieve të shkëlqyeshme ndërmjet dy vendeve si dhe mundësive për zgjerimin dhe thellimin e mëtejmë të tyre, në takim u diskutua për zhvillimet e fundit dhe aktualitetin politik", thuhet në njoftimin e Zyrës së Kryeministrit.

Njoftimi zyrtar nuk jep hollësi se cilat zhvillime konkrete u trajtuan në takim.