Kurti plotëson skuadrën: 27 zëvendësministra marrin detyrat, pa emra të rinj

Kabineti i Kosovës është plotësuar deri në shkallën e dytë. Kryeministri Albin Kurti ka emëruar 27 zëvendësministra, të cilët nisin detyrat nëpër ministri të ndryshme, njoftoi Zyra e Kryeministrit. Sipas njoftimit të Qeverisë së Kosovës për media, emërimet janë bërë të martën.

Lista nuk përmban befasi. Emrat që marrin postet e zëvendësministrit të parë dhe të zëvendësministrit janë në thelb të njëjtë me përbërjen e kabinetit të mëparshëm, i cili pati jetë të shkurtër.

Në Ministrinë e Arsimit dhe Shkencës, Përparim Kryeziu është zëvendësministër i parë, ndërsa Muhedin Nushi zëvendësministër. Ministria e Punëve të Jashtme dhe Diasporës ka Kreshnik Ahmetin si zëvendësministër të parë, kurse Ministria e Financave Hysni Mehanin si zëvendësministër.

Agon Batusha është zëvendësministër i parë në Ministrinë e Administrimit të Pushtetit Lokal. Në Ministrinë e Ekonomisë emërohen Getoar Mjeku, zëvendësministër i parë, dhe Triera Kasumi-Berisha, zëvendësministre. Ministria e Industrisë, Ndërmarrësisë, Tregtisë dhe Inovacionit i ka Fatban Bunjakun zëvendësministër të parë dhe Jeton Mehmetin zëvendësministër.

Ali Dula është zëvendësministër i parë në Ministrinë për Zhvillim Rajonal, Enver Dugolli zëvendësministër i parë në Ministrinë e Punëve të Brendshme dhe Zef Morina zëvendësministër i parë në Ministrinë e Infrastrukturës dhe Transportit. Në Ministrinë e Sportit dhe Rinisë, Daulina Osmani është zëvendësministre e parë dhe Sejnur Veshall zëvendësministër.

Ministria e Mjedisit dhe Planifikimit Hapësinor i ka Avni Zogianin zëvendësministër të parë dhe Driton Hysenin zëvendësministër. Në Ministrinë e Punës, Familjes dhe Vlerave të Luftës Çlirimtare emërohen Agon Dobruna, zëvendësministër i parë, dhe Besart Jashari, zëvendësministër. Në Ministrinë e Kulturës dhe Turizmit, Nora Arapi-Krasniqi është zëvendësministre e parë dhe Tijana Veljkovic zëvendësministre.

Arsim Berisha merr postin e zëvendësministrit në Ministrinë e Shëndetësisë, Genc Nimoni të zëvendësministrit të parë në Ministrinë e Drejtësisë, ndërsa në Ministrinë e Mbrojtjes emërohen Gegë Lleshi, zëvendësministër i parë, dhe Enis Kervan, zëvendësministër.

Në Ministrinë për Komunitete dhe Kthim, Ratomir Minic është zëvendësministër i parë dhe Lulzim Hetemi zëvendësministër, kurse Igor Mitic emërohet zëvendësministër në Ministrinë e Bujqësisë, Pylltarisë dhe Zhvillimit Rural.

Me këtë hap, struktura drejtuese e Qeverisë Kurti 4 është kompletuar në nivelin e zëvendësministrave, pas emërimit të ministrave.