Kurti mbërrin në Kuvend te Abdixhiku: "Do të shohim si mund të ecim përpara"

Albin Kurti, kryetar i Lëvizjes Vetëvendosje dhe kryeministër në detyrë, ka mbërritur në Kuvendin e Kosovës, ku është ulur ballë për ballë me kryetarin e Lidhjes Demokratike të Kosovës, Lumir Abdixhikun.

Takimi zhvillohet në kuadër të përpjekjeve për të gjetur një zgjidhje politike për konstituimin e institucioneve të legjislaturës së 11-të të Kuvendit, proces që mbetet i bllokuar.

Para se të fillonte biseda, Kurti dha tonin e takimit, duke theksuar se synimi është një dialog i qetë. "Do të takohem me udhëheqësin e Lidhjes Demokratike të Kosovës, Lumir Abdixhikun kryetar dhe do të shohim si mund të ecim përpara që t'i konstituojmë institucionet e legjislaturës së 11-të, natyrisht me mirëbesim dhe me atmosferë pozitive si gjithmonë", deklaroi ai.

Sipas Kurtit, qëllimi është që me mirëbesim dhe në një atmosferë pozitive të diskutohet për mënyrën se si mund të ecet përpara drejt konstituimit të institucioneve.