Kurti del para mediave në ditën e fundit për zgjedhjen e Presidentit

Kryeministri Albin Kurti do t'u drejtohet mediave sot në ora 15:00, në ditën e fundit kur mund të zgjidhet Presidenti i vendit.

Njoftimin e ka dhënë zëdhënësi i Qeverisë, Arlind Manxhuka: "Sot, 15:00, Kryeministri Kurti mban konferencë për media. Konferenca mbahet në Zyrë të Kryeministrit. Ftojmë mediat ta përcjellin!"

Njoftimi nuk tregon se për çfarë do të flasë kryeministri. Megjithatë, koha e daljes së tij publike nuk kalon pa u vënë re: konferenca bie pikërisht në momentin kur ngërçi për zgjedhjen e kreut të shtetit arrin afatin e fundit.