ReklamëHapësirë reklame
ReklamëHapësirë reklame
Reklamë
Afati pesëditor ka skaduar të premten, por emërimi i anëtarëve të Komisionit Qendror të Zgjedhjeve ka ngecur në pritje të dritës jeshile nga institucionet e sigurisë.
Procedura për emërimin e anëtarëve të rinj të Komisionit Qendror të Zgjedhjeve (KQZ) ka mbetur pezull. Zyra e Presidentes së Republikës së Kosovës ka bërë të ditur se, pasi pranoi propozimet me shkrim të subjekteve politike për anëtarët e KQZ-së, iu drejtua institucioneve kompetente të sigurisë me kërkesë për verifikimin e kandidatëve të propozuar.
Afati pesëditor nga pranimi i propozimeve ka përfunduar të premten. Megjithatë, sipas njoftimit të Zyrës së Presidentes, emërimi nuk është përmbyllur, pasi ende nuk kanë mbërritur përgjigjet e institucioneve kompetente lidhur me verifikimet e kërkuara.
"Pas pranimit të këtyre përgjigjeve, Zyra e Presidentes do të ndërmarrë veprimet e mëtejme për përmbylljen e procedurës së emërimit të anëtarëve të Komisionit Qendror të Zgjedhjeve", thuhet në njoftim.
Hapi i radhës për përbërjen e KQZ-së, pra, varet nga përfundimi i procesit të verifikimit të kandidatëve që kanë propozuar partitë politike.
Invalidët e UÇK-së, familjarët e dëshmorëve dhe të të zhdukurve, si dhe viktimat e dhunës seksuale gjatë luftës që jetojnë jashtë vendit lirohen nga tarifat për dokumente. Vendimi i MPJD-së është në fuqi që nga 14 tetori 2026.
