KPA lë në fuqi konfirmimin e gjyqtarit të Tiranës, Ervin Pollozhani

Gjyqtari i Tiranës, Ervin Pollozhani, mbetet i konfirmuar në detyrë. Kolegji i Posaçëm i Apelimit (KPA) vendosi më 15 dhjetor të vitit të kaluar të lërë në fuqi konfirmimin e tij, duke rrëzuar shqetësimet e ngritura rreth blerjes së një apartamenti nga familja e bashkëshortes.

Në qendër të vlerësimit qëndronte një apartament i blerë në vitin 2007, pra para lidhjes së martesës së gjyqtarit. Sipas arsyetimit të KPA-së, pamundësia financiare e bashkëshortes së Pollozhanit dhe e prindërve të saj për ta blerë atë apartament nuk u konsiderua e mjaftueshme për të cenuar procesin e konfirmimit.

Vendimi i mban të paprekura funksionet e gjyqtarit të Tiranës në përfundim të procesit të rivlerësimit kalimtar të tij.