ReklamëHapësirë reklame
ReklamëHapësirë reklame
Reklamë
Taksia që nisi nga Tirana nuk arriti destinacionin: në kryqëzimin e Fushë-Mamurrasit policia gjeti 126 doza me kokainë të dyshuar dhe arrestoi në flagrancë drejtuesin 31-vjeçar.
Një automjet taksi që lëvizte nga Tirana drejt Mamurrasit u ndalua nga policia në kryqëzimin e Fushë-Mamurrasit, në aksin e vjetër Mamurras-Thumanë. Brenda tij, sipas Policisë së Shtetit, u gjetën 126 doza me lëndë të dyshuar narkotike kokainë, me peshë rreth 109 gramë.
Drejtuesi i taksisë, shtetasi me inicialet S. S., 31 vjeç, i lindur në Sarandë dhe banues në Tiranë, u arrestua në flagrancë. Sipas policisë, ai do të udhëtonte drejt Mamurrasit me qëllim shitjen e lëndës narkotike.
Ndalimi ishte pjesë e operacionit antidrogë të koduar "Destinacioni", i finalizuar në Lezhë nga Seksioni për Hetimin e Narkotikëve, në bashkëpunim me Seksionin për Mbështetjen Operacionale të Hetimit. Policia thotë se pasi mori informacion për lëvizjen e automjetit, organizoi shërbimet në terren dhe e konstatoi taksinë në pikën ku u bë ndalimi. Dozat u sekuestruan si provë materiale.
Materialet procedurale për 31-vjeçarin iu referuan Prokurorisë pranë Gjykatës së Shkallës së Parë të Juridiksionit të Përgjithshëm, për veprën penale "Prodhimi dhe shitja e narkotikëve". Hetimi vazhdon dhe i arrestuari konsiderohet i pafajshëm deri në një vendim gjyqësor të formës së prerë.
Ndërsa studentët dhe qytetarët kërkojnë në rrugë largimin e kryeministrit, 132 drejtues institucionesh e agjencish shtetërore janë urdhëruar të dorëzojnë dorëheqjen. Jo të gjithë do të largohen: një vlerësim performance do të vendosë se kush kthehet në post.
