Pranë 'Liqenit të Zemrës' në Bjeshkët e Nemuna, turistët urdhërohen të kthehen nën kërcënim

"Ec kthehu. Hup, bëju mos t'i shoh sytë këtu", dëgjohet t'u thotë një bari disa turistëve në Bjeshkët e Nemuna, në një video që ka dalë në publik.

Në pamjet e publikuara nga IndeksOnline, bariu shfaqet duke u bërtitur vizitorëve dhe duke i kërcënuar me prerje fyti, ndërsa këmbëngul që ata të kthehen prapa. Videoja raportohet se është incizuar pranë "Liqenit të Zemrës", një nga pikat më të vizituara të masivit malor.

Sa turistë ishin në terren, kur ndodhi incidenti dhe kush është personi që flet në video, mbeten të paqarta. Deri më tash nuk ka asnjë reagim publik të policisë apo të autoriteteve të tjera për rastin.