KDI i kërkon Kushtetueses masë të përkohshme për Kuvendin dhe Qeverinë e re

Kërkesa e depozituar nga Instituti Demokratik i Kosovës (KDI) e vendos Gjykatën Kushtetuese përballë një vendimi me pasoja të drejtpërdrejta për funksionimin e institucioneve: pezullimin e përkohshëm të konstituimit të Kuvendit dhe të formimit të qeverisë së re.

KDI kërkoi vendosjen e masës së përkohshme pas dorëzimit të dy kërkesave nga Partia Demokratike e Kosovës. Në një konferencë për media të mbajtur të martën, Vullnet Bugaqku nga KDI argumentoi se masa është e domosdoshme për shkak të dilemave se a është konstituar Kuvendi në përputhje me Kushtetutën.

Përveç pezullimit, KDI kërkoi nga Gjykata Kushtetuese të sqarojë edhe pasojat juridike të moskonstituimit të Kuvendit brenda afatit 30-ditor prej certifikimit të zgjedhjeve, një çështje që deri tash ka mbetur pa përgjigje institucionale.

Kërkesat e PDK-së për formimin e qeverisë ndodhen tashmë në shqyrtim para Kushtetueses.