ReklamëHapësirë reklame
ReklamëHapësirë reklame
Reklamë
Një AK-47, dy karikatorë dhe mbi njëqind fishekë u gjetën në një shtëpi ku nuk jeton askush në fshatin Dren të Leposaviqit. Policia e Kosovës i ka konfiskuar dhe rasti është nën hetim.
Një armë automatike AK-47, e njohur si kallashnikov, dhe 119 fishekë kalibri 7.62x39 mm janë gjetur të mërkurën, rreth orës 16:30, në një shtëpi të pabanuar në fshatin Dren të Leposaviqit.
Sipas raportit 24-orësh të Policisë së Kosovës, njësitet policore dolën në vendngjarje pasi kishin marrë një informatë për rastin. Gjatë kontrollit në shtëpi, përveç armës dhe municionit, policët gjetën dy karikatorë të zbrazët të AK-47, një palë pantallona ushtarake, një kapelë dhe një termos ushtarak. Të gjitha sendet janë konfiskuar.
"Lidhur me rastin është informuar e konsultuar edhe prokurori", thuhet në raportin e policisë, ku shtohet se rasti është duke u hetuar.
Policia nuk ka bërë të ditur nëse ka ndonjë të dyshuar apo arrestim, as kujt i përket shtëpia ku u bë gjetja.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
