“Jo në emrin tim!”: Diaspora del në shesh në Köln kundër vendimit të Speciales

Pankarta me një moto të vetme, “Jo në emrin tim!”, ka dominuar tubimin e mbajtur sot në Köln të Gjermanisë kundër vendimit të Dhomave të Specializuara në Hagë ndaj ish-krerëve të UÇK-së.

Protesta u organizua nga të rinj shqiptarë që jetojnë në Gjermani. Ajo erdhi si reagim ndaj aktgjykimit të shpallur më 16 shtator, me të cilin Hashim Thaçi dhe Jakup Krasniqi u dënuan me nga 25 vjet burgim, Kadri Veseli me 18 vjet dhe Rexhep Selimi me 13 vjet, pra gjithsej 81 vjet burgim për katër të dënuarit.

Tubimi në Köln nuk ka mbetur i izoluar. Ai është pjesë e një vale protestash të shqiptarëve në diasporë pas aktgjykimit, me tubime të zhvilluara ose të paralajmëruara edhe në Cyrih, Vjenë, si dhe në Kanada e Amerikë.