ReklamëHapësirë reklame
ReklamëHapësirë reklame
Reklamë
PDK-ja i kërkon Kuvendit të mblidhet dhe ta çojë në lexim të dytë projektligjin për Dhomat e Specializuara. Kryetari i saj, Bedri Hamza, pyet pse u miratua në lexim të parë, nëse paskësh pasur pengesa.
Partia Demokratike e Kosovës kërkon që Kuvendi të thërrasë seancë dhe të votojë në lexim të dytë projektligjin për ndryshimin dhe plotësimin e Ligjit për Dhomat e Specializuara. Kryetari i partisë, Bedri Hamza, e paraqiti kërkesën pa asnjë ekuivok.
"Kërkesa jonë është e qartë: të thirret seanca, ligji të votohet në lexim të dytë. Nuk ka asnjë vështirësi, asnjë pengesë. Nëse ka pasur çfarëdo pengese apo dileme, pse ka kaluar në lexim të parë?", deklaroi Hamza.
Ai foli para mbledhjes së Kryesisë së PDK-së dhe tha se deri në atë moment nuk kishte pasur komunikim. Sipas tij, nuk ekziston asnjë arsye që procedura e projektligjit të mos vazhdojë.
Argumenti kryesor i Hamzës mbështetet te fakti se projektligji e ka kaluar tashmë leximin e parë në Kuvend. Për kryetarin e PDK-së, kjo do të thotë se çdo dilemë eventuale duhej të ishte ngritur atëherë, jo në fazën e votimit përfundimtar.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
