Ligji për Specialen në tryezën e presidentes: Haxhiu e nënshkruan, nis afati 8-ditor

Ligji që ndryshon bazën ligjore të Dhomave të Specializuara dhe të Zyrës së Prokurorit të Specializuar, i njohur në opinion si ligji për Specialen, ndodhet tani te presidentja e Kosovës, Justina Shiroka Pula. Kryetarja e Kuvendit të Kosovës, Albulena Haxhiu, e ka nënshkruar aktin dhe ia ka përcjellë kreut të shtetit për dekretim.

Hapin e konfirmoi për televizionin Dukagjini këshilltari i Haxhiut, Glauk Tahiri. Në përgjigjen e tij thuhet: "Ligji është miratuar në seancën plenare të Kuvendit më 6 tetor 2026 dhe i është përcjellë Presidentes në mbështetje të nenit 80, paragrafi 2, të Kushtetutës së Republikës së Kosovës".

Me nënshkrimin e Kryetares së Kuvendit, ligji ka përfunduar rrugën parlamentare dhe hapi i radhës i takon Presidencës. Sipas Kushtetutës, presidentja ka në dispozicion tetë ditë për ta dekretuar ligjin, para se ai të hyjë në fuqi.

Nuk dihet ende se kur do të vendosë presidentja Shiroka Pula për dekretimin e ndryshimeve, që prekin drejtpërdrejt funksionimin e Dhomave të Specializuara dhe të Zyrës së Prokurorit të Specializuar.