Gjykata Administrative rrëzon padinë e Veliajt kundër prokurorit Ols Dado

Kryebashkiaku i Tiranës, Erion Veliaj, i izoluar në qelinë e paraburgimit që prej 10 shkurtit 2025 për akuzat e korrupsionit dhe pastrimit të parave, ka pësuar një humbje në përpjekjen e tij ligjore kundër prokurorit që heton çështjen e tij. Gjykata Administrative rrëzoi padinë që Veliaj kishte ngritur ndaj prokurorit të Prokurorisë së Posaçme, Ols Dado.

I mbyllur në paraburgim prej muajsh, Veliaj ndërmori një ofensivë të shumëfishtë ndaj prokurorit të çështjes së tij. Pas një fushate mediatike dhe një lobimi ndërkombëtar, betejën e tij e përshkalloi më tej duke e zhvendosur në rrafshin gjyqësor.

Vendimi i Gjykatës Administrative ia mbyll rrugën këtij hapi konkret në zinxhirin e kundërsulmeve që kryebashkiaku ka ndërmarrë ndaj prokurorit Dado.

Veliaj gëzon prezumimin e pafajësisë deri në një vendim përfundimtar të gjykatës për akuzat në ngarkim të tij.