GJKKO u cakton avokatë të Ndihmës Juridike Falas Veliajt dhe të pandehurve të tjerë

Gjykata e Posaçme e Shkallës së Parë (GJKKO) në Tiranë vendosi të martën, më 13 tetor, që në seancën e ardhshme të çështjes penale ndaj kryetarit të Bashkisë së Tiranës, Erion Veliaj, të caktohen avokatë të Ndihmës Juridike Falas.

Shkak për këtë vendim është bojkoti i avokatëve. Masa nuk prek vetëm Veliajn: ajo vlen edhe për bashkëshorten e tij, Ajola Xoxa, si dhe për të pandehurit e tjerë që po gjykohen me procedurën e zakonshme në të njëjtën çështje.

Data e seancës së ardhshme nuk është bërë ende e ditur. Veliaj, Xoxa dhe të pandehurit e tjerë gëzojnë prezumimin e pafajësisë deri në një vendim përfundimtar të gjykatës.