Gjenerali italian Roberto Vergori merr drejtimin e KFOR-it, pritje e ngrohtë nga NATO

Komandanti i ardhshëm i KFOR-it, gjeneral-majori italian Roberto Vergori, u prit nga kreu i Komitetit Ushtarak të NATO-s, Guisepe Dragone, në një takim që parapriu marrjen e drejtimit të misionit ushtarak të Aleancës në Kosovë.

Dragone theksoi se Vergori, gjatë shërbimit në ushtrinë italiane, ka dëshmuar vendosmëri dhe lidership maksimal në të gjitha detyrat, cilësi që i konsideron kyçe për detyrën e re në Kosovë.

Në një postim në Twitter, kreu i Komitetit Ushtarak të NATO-s ndaloi edhe te roli i misionit: "KFOR shërben si një shtyllë e rëndësishme e Aleancës, në bashkëpunim me shumë nga partnerët tanë. Nën mandatin e tij të Këshillit të Sigurimit të Kombeve të Bashkuara, është një operacion për zbatimin e paqes dhe sot kontribuon në ruajtjen e një mjedisi të sigurt për të gjithë njerëzit dhe komunitetet që jetojnë në Kosovë", shkroi Dragone.

Në të njëjtin mesazh, drejtuar drejtpërdrejt oficerit italian, Dragone shkruante: "Një mirëseardhje e ngrohtë për gjeneral-majorin Roberto Vergori, komandantin e ardhshëm të @NATO_KFOR! Gjatë kohës së gjatë të shërbimit në Forcat e Armatosura të vendit tonë, Italisë, ju keni dëshmuar vendosmëri dhe lidership maksimal në të gjitha detyrat, cilësi kyçe për detyrën tuaj të ardhshme…".

Data e saktë kur Vergori do të marrë komandën e KFOR-it nuk është bërë e ditur.