ReklamëHapësirë reklame
ReklamëHapësirë reklame
Reklamë
Para selisë së qeverisë në Tiranë, policia hodhi masivisht gaz lotsjellës dhe ujë me presion drejt studentëve dhe gjimnazistëve, por të rinjtë nuk u larguan. Protesta që nisi te Ministria e Arsimit është kthyer në përplasje të hapur.
Bulevardi "Dëshmorët e Kombit" në Tiranë është mbushur me gaz lotsjellës. Forca të shumta policie e kanë hedhur atë masivisht drejt të rinjve të mbledhur para Kryeministrisë, ku situata është kthyer në kaos.
Gazi nuk ishte e vetmja armë e përdorur. Policia ka drejtuar edhe ujë me presion kundër protestuesve, por studentët dhe gjimnazistët nuk janë tërhequr nga sheshi. Gjatë përplasjeve, raportohet se efektivë të policisë kanë shoqëruar protestues me dhunë, ndërsa numri i të shoqëruarve dhe i të lënduarve nuk dihet ende.
Tubimi i sotëm nisi para Ministrisë së Arsimit. Disa orë më vonë, turma u zhvendos drejt Kryeministrisë, ku përballja me forcat e rendit u ashpërsua.
Kjo është dita e katërt radhazi që studentët dhe gjimnazistët dalin në rrugë. Lëvizja nuk ka mbetur vetëm në kryeqytet: në qytete të tjera të Shqipërisë, nxënës dhe studentë kanë bojkotuar mësimin dhe kanë protestuar në masë.
Dy burra nga fshati Sinë dyshohet se u përplasën me dhunë me dy policë ndërsa po shoqëroheshin në komisariat. Në të njëjtin bulevard të Peshkopisë, një 36-vjeçar u kap me thikë dhe shufër metalike.
