Fundi i një karriere në prokurori: Laura Pula largohet me mirënjohje nga Kryeprokurori i Shtetit

Një takim përcjellës në Zyrën e Kryeprokurorit të Shtetit shënoi mbylljen e karrierës së prokurores Laura Pula, e cila ka arritur moshën e pensionimit. Takimi u organizua në nderim të punës dhe kontributit të saj shumëvjeçar në sistemin prokurorial të Kosovës.

Kryeprokurori i Shtetit, Zejnulla Gashi, i ndau prokurores Pula mirënjohje për kontributin, përkushtimin dhe profesionalizmin e treguar gjatë ushtrimit të detyrës. Ai vlerësoi angazhimin dhe përgjegjshmërinë e saj profesionale në shërbim të institucionit dhe të sistemit të drejtësisë.

Duke e falënderuar për punën ndër vite, Gashi i uroi shëndet, mirëqenie dhe të gjitha të mirat në kapitullin e ri të jetës së saj.

Në fund të takimit, Pula shprehu mirënjohjen dhe falënderimin për bashkëpunimin ndër vite, duke vlerësuar kolegët dhe bashkëpunëtorët me të cilët ka punuar gjatë karrierës së saj profesionale.