ReklamëHapësirë reklame
ReklamëHapësirë reklame
Reklamë
Për herë të parë, pilotët dhe ushtarakët e Forcës Ajrore shqiptare do të shërbejnë nën flamurin e KFOR-it në Kosovë. Gjeneral-lejtnant Arben Kingji e quan angazhimin një përgjegjësi të rëndësishme dhe dëshmi të kontributit të Shqipërisë në NATO.
Forca Ajrore e Shqipërisë ka përcjellë kontingjentin e saj të parë drejt Kosovës, ku do të angazhohet në misionin paqeruajtës të KFOR-it, forcës së udhëhequr nga NATO. Është hera e parë që kjo degë e Forcave të Armatosura shqiptare merr pjesë në këtë mision.
Lajmin e bëri publik Shefi i Shtabit të Përgjithshëm të Forcave të Armatosura të Shqipërisë, gjeneral-lejtnant Arben Kingji. Ai e cilësoi angazhimin si një përgjegjësi të rëndësishme dhe si një tjetër dëshmi të kontributit që Shqipëria dhe ushtria e saj japin brenda Aleancës së NATO-s.
Kingji u uroi ushtarakëve që nisen për në Kosovë "mision të mbarë dhe shërbim të suksesshëm në çdo detyrë".
Nuk është bërë e ditur sa veta përbëjnë kontingjentin dhe kur nisi zyrtarisht shërbimi i tyre në Kosovë.
Dy automjete u dorëzuan si shlyerje e një borxhi të pretenduar, por në vend të marrësit përfundoi në pranga një 34-vjeçar nga Vlora, me një pistoletë neuroparalizuese në brez. Bashkëpunëtori i tij, 37 vjeç, kërkohet nga policia.
