ReklamëHapësirë reklame
ReklamëHapësirë reklame
Reklamë
Një rënie në një objekt në ndërtim në rrugën "Cen Dugolli" i ka kushtuar jetën një punëtori 54-vjeçar në Ferizaj. Për rastin janë njoftuar prokurori i shtetit dhe inspektorët e punës.
Një punëtor 54-vjeçar ka vdekur të hënën pasdite në një objekt në ndërtim në rrugën "Cen Dugolli" në Ferizaj, pasi, sipas policisë, dyshohet se gjatë punimeve është rrëzuar nga kati përdhes në bodrum.
Ngjarja ka ndodhur rreth orës 15:40. Zëdhënësi i Policisë për Rajonin e Ferizajt konfirmoi se në vend kanë dalë zyrtarët policorë dhe ekipet e Emergjencës, të cilat kanë konstatuar vdekjen e viktimës.
"Në vendngjarje kanë dalë, përveç patrullës së stacionit, edhe hetuesit rajonalë. Ndërsa janë njoftuar të dalin edhe inspektorët e punës. Për të gjitha veprimet policore është njoftuar prokurori i shtetit", deklaroi zëdhënësi.
Identiteti i punëtorit nuk është bërë publik. Rrethanat e plota të rënies pritet të hetohen nga organet kompetente.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
