Ferizaj: Policia publikon fotot e dy të dyshuarve për vjedhjen në një market

Policia Rajonale e Ferizajt u ka bërë thirrje qytetarëve të ndihmojnë në identifikimin e dy personave të dyshuar për një vjedhje në një market në rrugën "Rexhep Bislimi" në Ferizaj. Sipas Policisë, rasti dyshohet se ka ndodhur më 19 gusht 2026.

Për këtë qëllim, me autorizim të Prokurorit të Shtetit, Policia ka publikuar fotografitë e dy të dyshuarve, identiteti dhe vendndodhja e të cilëve ende nuk dihen.

Kushdo që ka informacion për ta mund të lajmërojë Policinë në numrin 192, në stacionin më të afërt policor ose përmes aplikacionit "Lajmëro Policinë". Policia ka bërë të ditur se të gjitha informacionet do të trajtohen me konfidencialitet.