ReklamëHapësirë reklame
ReklamëHapësirë reklame
Reklamë
Një granatë dore dhe nëntë gëzhoja pushke gjuetie u gjetën në rrugën "Arsim Muzaqi" në Vushtrri, pasi disa fëmijë njoftuan një kalimtar për bombën e dorës. Rasti është nën hetime.
Disa fëmijë që luanin pranë rrugës "Arsim Muzaqi" në Vushtrri ndalën një kalimtar për t'i treguar se çfarë kishin parë: një bombë dore. Pak minuta më vonë, njoftimi mbërriti te Policia e Kosovës.
Rasti është raportuar më 19 shtator, rreth orës 14:39. "Dëshmitari m/k ka raportuar se derisa ka qenë duke kaluar rrugën, disa fëmijë e kanë njoftuar se kanë parë një bombë dore", thuhet në raportin 24-orësh të Policisë së Kosovës.
Pas njoftimit, policia ka dalë në vendin e ngjarjes dhe e ka siguruar atë. Njësitë përkatëse kanë sekuestruar një granatë dore dhe nëntë gëzhoja të pushkës së gjuetisë.
Lidhur me rastin është njoftuar prokurori. Hetimet për mënyrën se si këto mjete përfunduan në një rrugë banimi vazhdojnë.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
