ReklamëHapësirë reklame
ReklamëHapësirë reklame
Reklamë
Një person i shpallur në kërkim ndërkombëtar nga Gjykata Themelore e Ferizajt është sjellë nga Franca në Kosovë dhe është dorëzuar në Qendrën e Paraburgimit në Hajvali, ku do të vuajë dënimin prej katër vjetësh burgim për posedim të paautorizuar të armëve.
Udhëtimi i tij përfundoi në Aeroportin e Prishtinës, i shoqëruar nga zyrtarë policorë. Prej andej, rruga vazhdoi drejt Qendrës së Paraburgimit në Hajvali, ku u dorëzua për të filluar vuajtjen e një dënimi prej katër vjetësh burgim.
Policia e Kosovës njoftoi se më 17 shtator 2026, Drejtoria për Bashkëpunim Ndërkombëtar Policor, në koordinim me njësitë e tjera relevante të Policisë së Kosovës dhe me institucionet e drejtësisë, realizoi ekstradimin e personit nga Franca për në Kosovë.
Sipas policisë, i ekstraduari ishte në kërkim ndërkombëtar me kërkesë të Gjykatës Themelore të Ferizajt për veprën penale "mbajtja në pronësi, kontroll ose posedim të paautorizuar të armëve", e paraparë me nenin 374 të Kodit Penal të Republikës së Kosovës. Për këtë vepër ai ishte dënuar me burgim në kohëzgjatje prej katër vjetësh.
Në Kosovë personi u soll i shoqëruar nga zyrtarë të ILECU-t, njësisë për bashkëpunim ndërkombëtar në zbatimin e ligjit, ndërsa transferimi i mëtejshëm deri te qendra e paraburgimit u krye nga zyrtarët e njësisë së sektorit. Identiteti i tij nuk është bërë publik nga policia.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
