ReklamëHapësirë reklame
ReklamëHapësirë reklame
Reklamë
Persona të panjohur kanë hedhur koktej molotovi në dy vende të ndryshme në Pejë në orët e para të 5 tetorit. Prokurori e ka cilësuar rastin si shkaktim i rrezikut të përgjithshëm.
Dy koktej molotovi, në dy lokacione të ndryshme, brenda të njëjtës natë: Peja u zgjua më 5 tetor me një hetim të ri policor, pasi persona të panjohur hodhën mjete ndezëse në qytet gjatë orëve të hershme të mëngjesit.
Sipas policisë, nga incidentet nuk ka persona të lënduar. Njësitë përkatëse policore dolën në vendin e ngjarjes, ndërsa për rastin u njoftua prokurori. Nuk është bërë e ditur se cilat ishin objektivat e sulmeve dhe nëse ka pasur dëme materiale.
Me vendim të prokurorit, rasti është iniciuar si "Shkaktim i rrezikut të përgjithshëm". Në raportin e policisë, të shënuar me datën dhe orën 05.10.2026-04:00, thuhet: "Pejë 05.10.2026-04:00. Është raportuar se persona të panjohur kanë hedhur koktej molotovi në dy lokacione të ndryshme, nuk është raportuar për të lënduar. Në vendin e ngjarjes kanë dalë njësitë përkatëse, lidhur me rastin është njoftuar prokurori me vendim të të cilit iniciohet rasti i lartcekur i cili mbetet në procedurë hetimore".
Autorët nuk janë identifikuar dhe rasti mbetet në procedurë hetimore.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
