ReklamëHapësirë reklame
ReklamëHapësirë reklame
Reklamë
Dokumentacioni për luftën në Kosovë që ruhet në Kroaci bëhet më i qasshëm për hulumtuesit kosovarë. Instituti i Krimeve të Kryera Gjatë Luftës në Kosovë lidhi në Zagreb dy marrëveshje me institucione kroate, dhe zyrtarët e tij janë tashmë në trajnim atje.
Arkivat kroate po hapin dyert për hulumtuesit kosovarë të krimeve të luftës. Instituti i Krimeve të Kryera Gjatë Luftës në Kosovë (IKKL) nënshkroi në Zagreb dy marrëveshje bashkëpunimi: njërën me Arkivat Shtetërore të Kroacisë dhe tjetrën me Qendrën Kroate Memoriale-Dokumentuese të Luftës Atdhetare.
Sipas IKKL-së, marrëveshjet kanë peshë në tri drejtime: qasja në dokumentacionin që ruhet në Kroaci, shkëmbimi i përvojave profesionale dhe mundësia për hulumtime të përbashkëta. Bashkëpunimi nuk ka mbetur vetëm në letër. Këtë javë, zyrtarë të institutit po ndjekin një trajnim profesional pranë Arkivave Shtetërore të Kroacisë.
Gjatë vizitës, drejtori ekzekutiv i IKKL-së prezantoi punën e bërë deri tani nga instituti dhe bisedoi me përfaqësuesit e institucioneve kroate për hapat e ardhshëm të bashkëpunimit.
Me këto dy marrëveshje, Kroacia i shtohet listës së vendeve ku IKKL ka vendosur tashmë bashkëpunim me institucione shtetërore: Shqipërisë, Malit të Zi, Maqedonisë së Veriut dhe Bosnjës e Hercegovinës. Instituti thekson se dokumentacioni për luftën në Kosovë është i shpërndarë në shumë arkiva, brenda dhe jashtë vendit, dhe se bashkëpunimi me këto institucione është pjesë përbërëse e punës së tij.
Ministria e Mbrojtjes e Serbisë promovoi një dokumentar që lartëson korpusin e Prishtinës, njësinë dy komandantët e së cilës u dënuan në Hagë për krime lufte. Në premierën në Nish ishte i pranishëm edhe njëri prej tyre, Vlladimir Llazareviqi.
