ReklamëHapësirë reklame
ReklamëHapësirë reklame
Reklamë
Për të pestën ditë radhazi, deputetët e opozitës kanë bllokuar hyrjen e ndërtesës së Qeverisë në Prishtinë, duke kërkuar thirrjen e seancës konstituive që ta nxjerrë vendin nga ngërçi institucional. Këtë të mërkurë aksionit iu bashkuan edhe prodhuesit vendorë.
Bllokada para ndërtesës së Qeverisë së Kosovës në Prishtinë ka hyrë të mërkurën në ditën e pestë. Deputetët e Partisë Demokratike të Kosovës (PDK) kanë vazhduar aksionin e tyre duke mbyllur hyrjen e institucionit, në shenjë proteste për mosthirrjen e vazhdimit të seancës konstituive të Kuvendit.
Këtë të mërkurë protestës i janë bashkuar edhe prodhues vendorë, të cilët së bashku me deputetët e PDK-së kanë bllokuar hyrjen e Qeverisë.
Në ditët e fundit, PDK-ja ka përsëritur kërkesën që seanca konstituive të thirret dhe të vazhdojë, në mënyrë që Kuvendi të konstituohet dhe vendi të dalë nga ngërçi institucional në të cilin ndodhet.
Deputetët e kësaj partie kanë deklaruar se do të vazhdojnë aksionet e tyre derisa të thirret seanca konstituive, duke akuzuar pushtetin për bllokim të institucioneve.
Invalidët e UÇK-së, familjarët e dëshmorëve dhe të të zhdukurve, si dhe viktimat e dhunës seksuale gjatë luftës që jetojnë jashtë vendit lirohen nga tarifat për dokumente. Vendimi i MPJD-së është në fuqi që nga 14 tetori 2026.
