ReklamëHapësirë reklame
ReklamëHapësirë reklame
Reklamë
Pas aktgjykimit të Dhomave të Specializuara të Kosovës në Hagë, protestat në mbështetje të ish-krerëve të UÇK-së kanë kaluar oqeanin: organizata "Liria ka Emër" njoftoi se një tubim u mbajt edhe në Vankuver të Kanadasë.
Protestat në mbështetje të ish-krerëve të UÇK-së nuk kanë mbetur brenda kufijve të Kosovës dhe të Evropës. Organizata "Liria ka Emër" ka njoftuar se një tubim i tillë është mbajtur edhe në Vankuver të Kanadasë, në bregun perëndimor të vendit.
Sipas organizatës, protesta u organizua kundër asaj që u cilësua si padrejtësi ndaj ish-krerëve të UÇK-së, pas aktgjykimit të Dhomave të Specializuara të Kosovës me seli në Hagë. Krahas fotografive nga tubimi, "Liria ka Emër" ka shkruar: "Diaspora shqiptare me UÇK-në".
Vankuveri i shtohet kështu një vargu tubimesh të organizuara që nga shpallja e aktgjykimit. Protesta të ngjashme janë zhvilluar në Prishtinë, si dhe në disa vende të Evropës ku jeton diaspora shqiptare, përfshirë Gjermaninë, Zvicrën, Italinë dhe vende të tjera.
Numri i pjesëmarrësve në tubimin e Vankuverit nuk është bërë i ditur.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
